Ilir Meta ka paralajmëruar një rikthim në skenën politike pas përfundimit të mandatit të Presidentit, por për analistin Skënder Minxhozi, Meta do ta ketë të vështirë rikthimin në arenën politike.
I ftuar në “Log.”, Minxhozi është shprehur se Ilir Meta është i konsumuar politikisht, ndërsa ka shtuar se LSI nuk është më si më parë.
“Mund të jesh shumë i fuqishëm por nuk mundesh. Janë impulse që pakësohen. Je rrëzuar 6 herë.”
“Është i konsumuar. Dhe kur lë presidencën është i vetmi që i ka shëtitur postet. Pas 30 vitesh kur ka këtë lloji bilanci si kthehet Meta? Me një PD që është e divorcuar. Me një LSI që është ashtu siç është. Pra si kthehet?” tha Minxhozi.
Ndërkohë duke u ndalur tek vendimi i Gjykatës Kushtetuese për të mos shkarkuar Presidentin, sipas Minxhozit, ky vendim dhe reputacioni i Kushtetueses është më i rëndësishëm se 5 muaj në presidencë të Metës.
“Nuk është fitore e Metës kjo e Kushtetueses. 5 muaj të mandatit të Ilir Metës, vlejnë më pak në sytë e qeverisë dhe në sytë e amerikanëve, vlejnë më pak se ky akt që krijon sot GJK. Duke e lënë në zyrë ka hedhur poshtë atë që janë të kapur. I hidhte poshtë, Ilir Meta. Edhe Berisha godiste GJK. Askush nuk foli sot. Mendoj që reputacioni i Kushtetueses vlen më shumë se 5 muajt e Ilir Metës.” tha Minxhozi.
/a.r
