Eurozona është pranë shpërbërjes. Nuk kemi të bëjmë me asnjë analizë, apo koment, por me një deklaratë të fortë që vjen nga kreu i Komisionit Evropian Zhan-Klod Juncher.
Sipas tij, monedha e përbashkët evropiane mund të dalë nga qarkullimi shumë shpejt.
Shkak sipas Juncker, do të jenë masat e forta në kufi midis vendeve të Eurozonës, masa që kanë si synim zbutjen e fluskit të klandestinëve.
Edhe pse në letra Shengeni ekziston, de fakto ai është pushuar, teksa vendet e BEsë po rikthejnë regjimin e vizave për shkak të kërcënimeve që vijnë nga vala e refugjatëve të luftës, mes të cilëve ka edhe kontingjent terrorist.
Kështu, sipas Juncker, pushimi i Shengenit e bën të pakuptimtë euron dhe Eurozonën. “Nëse shpirti i Shengenit del nga tokat dhe zemrat tona, atëherë ne do të humbasim më shumë se Shengeni”, ka thënë ai. “Një monedhë e përbashkët nuk ka kuptim pa Shengenin”, tha Juncker më tej.
