Presidenti i Bundesbankut, Joachim Nagel tha të enjten se është i shqetësuar për rritjen e partive të ekstremit të djathtë në Evropë.
“Çfarë ndikimi ka kjo në vendin tonë, në shoqërinë tonë, në vlerat që ndajmë? Disa nga këto koncepte janë vetëshkatërruese në kuptimin ekonomik”, tha Nagel, duke folur në konferencën për shtyp të Bankës Qendrore Evropiane në Berlin.
Partia e ekstremit të djathtë AfD u ngjit në vendin e parë në zgjedhjet shtetërore në Saksoni-Anhalt të dielën me një platformë për të frenuar migracionin dhe për të rivendosur lidhjet me Moskën.
“A është kjo e dobishme për të tërhequr investitorë të huaj që të vijnë në këtë vend? Absolutisht jo. Mendoj se ata do të ngurrojnë, do të hezitojnë të bëjnë biznes këtu. Pra, po, jam i shqetësuar”, tha Nagel.
