Presidenti i Afrikës Jugore, Cyril Ramaphosa mendonte se duke iu bashkuar qytetarëve në udhëtimin e mëngjesit mund të etiketohej si njeri i popullit, pak para zgjedhjeve të muajit maj. Por, jo çdo gjë shkoi siç ai dëshironte, ai së bashku me pasagjerët e tjerë ngecën në tren katër orë në një udhëtim që duhet të zgjaste vetëm 45 minuta. Pas mbërritje në destinancion presidenti i nevrikosur tha se një gjë e tillë është e papranueshme.
“Është e papranueshme”, tha presidenti Ramaphosa. Ai kërkoi nga Agjencia e Hekurudhave të Pasagjerëve të Afrikës së Jugut të veprojnë që ta përmirësojë këtë situatë, shkruan BBC.
Vonesat e trenit janë një frustrim ditor i miliona pasagjerëve të Afrikës së Jugut dhe madje disa kanë humbur punën për shkak të vonesave të trenit, thotë Milton Nkosi. Vonesa në trenin që ishte presidenti ishte shkaktuar nga një tren tjetër, shoferi i të cilit e kishte ndalur trenin pasi ishte goditur me një gur, thotë një zyrtar i hekurudhave.
Ai gjithashtu i fajësoi edhe sulmet e vazhdueshme që i bëhen infrastrukturës së hekurudhave nga bandat.
/a.meta
