E konsideruar si njëra ndër takimet më të rëndësishme në aspektin ekonomik dhe politik të Greqisë në këto vite, kështu shihet vizita dy ditore e Presidentit të Francëz Fransua Hollande. Presidenti francez do të zbarkojë këtë të enjte dhe do të pritet nga Kryeministri Cipras.
Me interes të veçantë pritet fjalimi i tij në parlamentin grek të premten, ku mendohet se Hollande do të japë dhe gjykimet dhe pozicionin e Francës në lidhje me cështjen e rikapitalizimit të bankave greke.
Nga ana e saj pala greke pritet që të fokusohet tek pikat e kontaktit mes saj dhe Francës, nisur kjo edhe nga mbështetja që Presidenti Hollande i dha Greqisë në korrik, gjatë diskutimeve për zgjidhjen e krizës financiare dhe bankare në shtetin helen, në kushtet kur në atë periudhë të vështirë, Gjermani nuk lëshonte pe në cështjen e rishikimit të propozimeve dhe kushteve për ristrukturimin e borxhit.
Presidenti francez do të shoqërohet nga një grup i madh investitorësh si dhe ministrash, në kushtet kur tashmë është i njohur interesi i këtij shteti për sektorin hekurudhor të greqisë. Franca po ashtu kërkon të japë ndihmën e saj teknike edhe në 3 sektorë të tjerë, konkretisht në atë të tatime e taksave, në edukimin e personelit administrativ dhe përmirësimin e dixhitalizimit.
