Presidenti i Republikës, Bujar Nishani, ka dekretuar datën e zgjedhjeve për Bashkinë e Kavajës. Zgjedhjet do të zhvillohen me datën 7 maj 2017. Këto zgjedhje të parakohshme në Kavajë zhvillohen pas shakrkimit të ish kryetarit të Bashkisë së Kavajës, Elvis Rroshi, për shkak të prekjes së figurës së tij nga ligji i dekriminalizimit. Nxjerrja e dekretit të Presidentit vjen një ditë pasi Gjykata Kushtetuese zbardhi vendimin që rrëzonte ankimin e Rroshit. Është e paqartë për momentin nëse PD do të marrë pjesë në këto zgjedhje. Ajo deri më tani ka shpallur bojkot të zgjedhjeve deri në momentin që krijohet qeveria teknike. Është e paqartë nëse kushti i PD-së vlen edhe për zgjedhjet vendore në Kavajë. /javanews.al
ma.me
