Presidenti i Akademisë së Shkencave dhe Arteve të Serbisë, Vladimir Kostiç ka dhënë një deklaratë ku thotë se Kosova nuk është më në duart e tyre.
“De facto dhe de jure, Kosova nuk është në duar tona”, tha Kostiç, i cili shtoi se Akademia nuk e ka artikuluar ende qëndrimin e saj për Kosovën. Ai, në një intervistë në “Radio Beograd”, bëri me dije se Kosova do thotë për ta shumë për sa i përket bazës kulturore serbe dhe për atë, sipas Kostiç, “duhet luftuar dhëmbë më dhëmb”. Kryetari Akademisë serbe tha se Kosovën nuk do ta harrojmë, duke përmendur edhe gatishmërinë për luftë.
“Askush nuk guxon që të kërkojë nga ne që ta harrojmë Kosovën, në qoftë se dikush bën thirrje për luftë atje, unë do të shkoj edhe pse jam 62 vjeç, por kjo nuk është e ardhmja”, tha Kostiç, transmeton Koha.net.
“Por, thënë të drejtën, nëse një ministër, president ose kryeministër duhet të kërkojë leje për të hyrë në atë territor, thotë qartë se ne nuk kemi asnjë kapacitet njerëzor, ekonomik e as ndonjë kapacitet tjetër që atje të imponojmë vullnetin tonë. Ne mund ta gënjejmë njëri – tjetrin në sy, por mundësia është shumë e qartë”, tha Kostiq duke argumentuar që Serbia nuk e ka më në duart e saj Kosovën. Kostiç gjithashtu solli në debat një pyetje shumë diskutabile për drejtimin e Serbisë, në Evropë apo në lidhje me Rusi. “Tregim artificial është ai nëse do shkojmë në BE ose Rusi. A po pyet dikush Rusinë ‘a na do neve’”, pyeti kryeakademiku.
