Presidentët e Polonisë, Estonisë, Letonisë dhe Lituanisë, Andrzej Duda, Alar Karis, Egils Levits dhe Gitanas Nauseda, të cilët po vizitojnë Ukrainën, u takuan me Volodymyr Zelensky të mërkurën pasdite.
Sipas mediave të huaja, më herët, presidentët e Polonisë, Estonisë, Letonisë dhe Lituanisë vizituan Borodziankën. Ata shoqëroheshin nga kryeministri i Ukrainës, Denys Szmyhal.
“Ne pamë me sytë tanë një shkatërrim të madh në qytetet dhe qytezat e rajonit të Kievit. Krimet e luftës të Rusisë duhet të ndëshkohen!” – ka shkruar Duda.
Në një komunikatë të veçantë, të shpërndarë nga Telegram, kryeministri ukrainas njoftoi se ai kishte folur me presidentët “për nevojën e vendosjes së sanksioneve të gjera kundër Rusisë që do të ndihmonin në ndalimin e luftës”.
Ai shprehu bindjen se përgjegjësia e Rusisë duhet të jetë e pakthyeshme. Ukraina, shtoi ai, duhet të rindërtohet sa më shpejt të jetë e mundur.
“Fondet dhe pronat e Rusisë jashtë vendit duhet të ndahen për restaurimin e infrastrukturës së shkatërruar dhe të dëmtuar të shtetit ukrainas”, theksoi Shmyhal.
Të martën në mbrëmje në Rzeszów, presidentët e Polonisë, Lituanisë dhe Letonisë, si dhe Ministrja e Punëve të Jashtme të Estonisë, Eva-Maria Liimets, u takuan në një samit të posaçëm me qëllim të shprehjes së solidaritetit me Ukrainën. Politikanët diskutuan situatën e sigurisë në Ukrainë dhe rajon, si dhe mënyrat për të mbështetur ukrainasit që luftojnë
Udhëtimi i së mërkurës është vizita e parë e krerëve të shteteve në kryeqytetin ukrainas që kur Rusia pushtoi Ukrainën më 24 shkurt./m.j
