Presidenti i Republikës , Bajram Begaj u pengua të mbante fjalën e tij në sesionin e ri parlamentar në Kuvend, pasi opozita siç edhe kishte paralajmëruar, pengoi punimet e Kuvendit.
Presidenti Begaj i bëri thirrje deputetëve që të gjejnë gjuhën e përbashkët. Në Kuvend duhet të punojnë për interesat e qytetarëve dhe jo ta kthejnë atë në një ‘arenë lufte’.
“Sot zgjodha të komunikoj drejtpërdrejt me deputetët për shkak të rrethanave që shoqëruan mbylljen e sesionit të kaluar. Pamundësia e një seance normale më bënë që këtë mesazh ta përcjell nga Presidenca. Me përgjegjësinë madhore që mbart detyra e deputetit duhet të gjeni gjuhën e përbashkët ku duhet të jetë interesi qytetar. Kuvendi është vendi ku zhvillohet dialogu parlamentar ku ka shkëmbin të ideve..
Të gjithë ne shqiptarët i kemi sytë nga ju. Ju keni rolin e rëndësishëm të krijimit të modeleve në shoqëri. Ka sfida që kërkojnë përkushtim, koha nuk pret. Qytetarët presin të shohin një Parlament funksional, jo përplasje fizike në shtëpinë e demokracisë tona, tha Begaj.
Deputetë të opozitës rrethuan Foltoren duke i rënë tavolinës si edhe krijuan kaos nëpërmjet zhurmuesve. Si pasojë e kësaj Begaj zhvilloi një komunikim të drejtpërdrejtë nga Presidenca./m.j
