Një trakt i porositur, e ka cilësuar presidenca, draft-raportin e Komisionit të Venecias i cili shprehej se kreu i shtetit Ilir Meta ka tejkaluar komptetencat e tij duke shtyrë zgjedhjet e 30 qershorit. Në reagimin fill pas publikimit në media të raportit, zëdhënësi i Metës, Tedi Blushi shkruan se shtyrja e e zgjedhjeve nuk është bërë në shkelje të kushtetutës, duke i mëshuar argumentit të tij se me këtë vendim ka shmangur gjakderdhjen në 30 qershor dhe Rajshtangun.
“Zero shkelje të kushtetutës! Harrojini traktet e porositura ngado që të vijnë!
E dinë të gjithë shqiptarët dhe ndërkombëtarët me integritet se Presidenti i Republikës ka MBROJTUR Kushtetutën, rendin demokratik dhe pluralizmin politik, dhe ka SHMANGUR gjakderdhjen dhe Rajshtagun! Dëgjoni Bundestagun! Uluni urgjent dhe zgjidhni krizën e rëndë politike para se t’i shtoni kushte të tjera Shqipërisë”, shkruan Tedi Blushi, zëdhënës i presidentit Meta. /l.m
