Presidenca do të organizojë të enjten e 19 Dhjetorit ceremoninë e betimit për 8 prokurorët e emëruar në Prokurorinë e Posaçme (SPAK).
Këshilltari për mediat i presidentit, Tedi Blushi njofton se ceremonia do të mbahet të enjten e ardhshme në presidencë në orën 09:30.
“Presidenti i Republikës, Sh. T. Z. Ilir Meta, në përgjigje të kërkesës së Këshillit të Lartë të Prokurorisë dhe në bashkëpunim me Kryetarin e KLP-së, z.Gent Ibrahimi, në mbështetje të nenit 61 pika 2 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë” të ndryshuar”, ditën e enjte, në datën 19 dhjetor 2019, ora 09:30, organizon ceremoninë e betimit të 8 (tetë) prokurorëve të emëruar në Prokurorinë e Posaçme (SPAK)”, shkruan Blushi.
/a.r
