Futbolli shqiptar ende nuk është në lartësinë e duhur dhe futbollistët e rinj aspirojnë të luajnë në kampionatet evropiane të cilat i shohin si mundësi për karrierën e tyre. Shumë të rinj shqiptarë largohen jashtë dhe nisin rrugëtimin në kampionate të dorës së dytë në Evropë, ku gjithsesi janë në vitrinën e menaxherëve dhe klubeve më të mëdha.
Por shpesh herë të rinjtë bin në kurthet e mashtuesve të cilët u premtojnë kontrata me klube evropiane duke i shvatur shuma të majme parash madje. Një rast i tillë është regjistruar nga Policia e Lezhës e cila ka nisur heimet ndaj një 33-vjeçari. Ky i fundit mashtroi një 54-vjeçar duke i premtuar federimin e djalit të tij me një ekip suedez shkruan JavaNews. Por pasi i ka dhënë shumën e parave, shtetasi me inicialet A.M. deklaronte se ishte vetëm çështje kohe dhe gjithçka do rregullohej.
Por pasi koha po kalonte dhe asgjë nuk po ndryshonte, babai i futbolistit, shtetasi me inicialet B.P kërkoi kkthimin e parave. Kjo kërkesë nuk u zbatua nga personi që hiqej si menaxher. Në këto kushte ai i’u drejtua policië e cila ka nisur procedimin.
Tashmë, dosja i ka kaluar prokurorisë e cila po heton rastin. Nuk dihet nëse ky person që hiqej si menaxher ka mashtruar perosna të tjerë./JavaNews/a.m.
