Pronarët e rinj të klubit italian, Milan, japin premtime të mëdha për të ardhmen.
Pas marrëveshjes për blerjen e Milanit nga Silvio Berlusconi, presidenti i grupit ‘Sino Europe Sports’, Li Yonghong, flet për të ardhmen e klubit.
“Çdo gjë është duke shkuar sipas planit dhe shumë shpejt do të nisim një epokë të re për këtë ekip të mrekullueshëm”, ka thënë Li Yonghong, transmeton KP.
“Për vite të tëra, Berlusconi ka qenë simbol i këtij klubi, duke arritur suksese të mëdha”.
“Qëllimi ynë është që ta kthejmë Milanin në nivelet e klubeve më të mira të botë”, ka deklaruar presidenti i ‘Sino Europe Sports’.
Shoqëria kineze pritet që ta finalizojë blerjen e Milanit në përfundim të këtij viti./a.m.
