Manchester United sezonin e ardhshëm do të luajë në Ligën e Evropës e jo në Ligën e Kampionëve, po ashtu edhe Arsenal, vetëm nëse kjo e fundit fiton UEFA.
Skuadra e Ole Gunnar Solskjaerit nuk arriti më shumë se një barazim 1 me 1 me Huddersfieldin në xhiron e 37-të të Premier Ligës për të mbetur matematikisht jashtë Ligës së Kampionëve për sezonin e ardhshëm.
“Djajtë e Kuq” kaluan në epërsi përmes Scott McTominayt në minutën e tetë. Isaac Mbenza barazoi gjithçka në minutën e 60-të.
Unitedi mbetet i gjashti me 66 pikë, me një xhiro deri në fund. Kjo skuadër e ka të pamundur të arrijë pozitën e katërt, që aktualisht zihet nga Tottenhami i cili ka katër pikë më shumë.
