Një mjek nga Bergamo i cili u testua pozitiv ndaj COVID-19 të enjten, pasi ai dhe disa nga kolegët e tij zhvilluan simptoma të koronavirusit, dy ditë më vonë ka ndërruar jetë.
47 vjeçari Diego Bianco, i cili punoi për shërbimin e urgjencës italiane, vdiq dje, të dielën, në shtëpinë e tij në Montello, në veri të Italisë, ku jetonte me gruan dhe djalin e tyre tetë vjeçar. Ai jetonte dhe punonte në Lombardi, në veri të vendit, i cili është goditur keq nga infeksioni.
Fjalët e fundit mes tij dhe gruas ishin se ai ndihej mirë, por vetëm disa orë më vonë, ajo e gjeti të pajetë.
Siç raportojnë mediat italiane, çifti kishin nisur të flinin në dhoma të ndara që kur ai kishte nisur të shfaqte simptomat e para të infeksionit.
Rreth orës 5.30 të mëngjesit të djeshëm, bashkëshortja shkoi ta kontrollonte burrin e saj – por gjendja e tij kishte filluar të përkeqësohej pasi kishte vështirësi në frymëmarrje dhe më pas pësoi një sulm në zemër.
Gruaja e shqetësuar, Maruska Capoferri tha se një natë para se të vdiste, rreth orës 3.30 të mëngjesit, Diego i tha asaj:
“Mund të shkosh të flemë, e dashur, nuk do të vdes. Unë vetëm duhet të gjej një pozicion të rehatshëm për të fjetur“.
Ajo iu përgjigj: “Pse, a mendon se do të vdesësh?”
Kur ai i tha “jo”, ajo i buzëqeshi dhe shkoi në një dhomë tjetër të flinte me djalin, raporton L’Eco di Bergamo.
Maruska tha se paramedikët arritën rreth 20 minuta më vonë dhe bënë çmos për të shpëtuar Diego – i cili nuk kishte kushte themelore, sipas gruas së tij ai vdiq në mënyrë tragjike.
Gruaja tha që burri i saj, i cili kishte punuar më parë në një shtëpi të kujdesit, kishte kaluar tërë jetën e tij duke ndihmuar të tjerët – duke shtuar “ishte misioni i tij”.
Dyshja u takuan rreth 15 vjet më parë ndërsa ishin vullnetare për Kryqin e Kuq, më pas u martuan dhe patën një djalë, Alessio, i cili tani është tetë vjeç, “shkruan The Mirror”.
Të Shtunën, 7 Mars, Diego papritmas kishte një temperaturë të lartë 39 gradë Celsius dhe të enjten u testua për COVID-19./ Javanews
g.kosovari
