Prefektja e Qarkut Tiranë, e ftuar në #DritaremeRudinën në Vizion Plus, tregoi arsyet se pse u përmbyt autostrada Tiranë- Durrës. Suzana Jahollari tha se autostrada u përmbyt për të dytin vit radhazi ndërsa tregoi dhe arsyet.
“Përmbytja e autostradës ndodh për të dytin vit radhazi. Vjet situata ka qenë shumë e rëndë. Këtë vit nuk ishte në ato përmasa. Kemi një situatë të përsëritur. Ngritëm dy grupe pune që shkuan në autostradë dhe pamë situatën. Këtë vit nuk është hapur liqeni. Pjesën e City Park nuk e ka Bashkia e Tiranës por bashkia e Vorës” – tha Jahollari.
Sipas saj, prefektura ngriti vitin e kaluar shtabin e punës, që bëri një studim për problemin që ekziston dhe bizneset që u përmbytën. Nga studimi doli se përroi i Limuthit ka ndryshuar shtratin natyror, pasi në të dyja anët kanë vënë mure betoni.
Prefektura ka marrë masa gjatë këtij viti. Por fakti që u përmbyt sërish, do të thotë se deri tani këto masa nuk janë zbatuar deri në fund.
“Nëse reshjet do të bien brenda 3-4 ditëve, do të përmbytet sërish” – tha Jahollari. /JavaNews/b.d
