Pas atyre në hipoteka, AKU dhe institucione të tjera, Rama ka bërë një tjetër paraljmërim të fortë për shkarkimin e zyrtarëve të lartë që nuk kanë qenë në lartësinë e duhur në ushtrimin e detyrës. Këtë herë bëhet fjalë për Prefektët në qarqe.
Edhe këtë herë, kryeministri ka folur me tone të ashpra teksa ka shprehur qëndrimin për ndryshimin e Prefektëve. Ai ka thënë se do kemi një ekip të ri prefektësh në qarqe. Këtë deklaratë kreu i qeverisë e dha në Vlorë gjatë një takimi me përfaqësues të pushtetit vendor.
“Do kemi një skuadër të re Prefektësh që do mbulojnë territorin e tyre në bashkëveprim me Ministrinë e Brendshme dhe Ministrinë e Brendshme. Një skuadër që të punojë fort se i kemi parë Prefektët në TV vetëm kur ka patur përmbytje. Shumë shpejt do bëjmë publikë emrat e prefektëve”, tha Rama./a.m.
