Analisti Preç Zogaj përsëriti në emisionin “Të Paekspozuarit” në MCN Tv mbrojtjen ndaj punës së SPAK-u, ndërsa tha se PD do të bëjë autogol të madh me luftën ndaj SPAK, sepse duke përdorur Berisha rastin e vet për denigrimin e SPAK-ut, po bëhet mbrojtës i të gjithë korrupsionit në Shqipëri.
“SPAK është institucion i ri me bilanc dhe pritshmëri. Mund t’i bëhen vërejtje dhe kritika.
SPAK ka aty njerëz të ndryshëm, ka edhe njerëz me afilacion politik, por në tërësi SPAK është institucion i pavarur që mbështetet dhe asistohet nga SHBA.
Nuk ju pëlqen kjo. PD do të bëjë autogol të madh me luftën ndaj SPAK, sepse duke përdorur Berisha rastin e vet për denigrimin e SPAK, po bëhet mbrojtës i të gjithë korrupsionit në Shqipëri.
SPAK po merr në shqyrtim edhe çështje që i kanë cuar ata. 5D e ka bërë Këlliçi si denoncim”-tha Zogaj.
/a.r
