Këngëtarja Rovena Dilo po i jep fund martesës me ish-futbollistin Florian Riza, pas 10 vitesh bashkëjetesë. Ka qenë ky i fundit që ka depozituar pranë Gjykatës së Tiranës kërkesëpadinë me anë të së cilës ka kërkuar zgjidhjen e kurorës në mënyrë ligjore nga Rovena.
Në dokumentin e padisë thuhet: “Unë paditësi kam lidhur martesë me të paditurën në datën 24.10.2005. Fillimisht marrëdhënia jonë ka qenë e mirë, por me kalimin e kohës kanë lindur konflikte e grindje të vazhdueshme, të cilat e kanë bërë të pamundur bashkëjetesën, dhe si rezultat martesa jonë e ka humbur qëllimin e saj dhe ka mbetur thjesht dhe vetëm formale. Në kushtet e mësipërme, duke vlerësuar se martesa ime me të paditurën nuk ka më asnjë kuptim, kërkoj zgjidhjen mes meje dhe të paditurës, pasi martesa jonë nuk mund të Kërkesëpadia për divorc nga Floriani është depozituar në Gjykatën e Tiranës në datën 27 tetor, dhe menjëherë është bërë publike në disa portale dhe rrjete sociale.
Nga ana e saj, Dilo, e cila është bërë pjesë e spektaklit të kërcimit “Dancing with the Stars” në “Vizion Plus”, ka vazhduar normalisht provat për garën e kërcimit, duke u shfaqur të enjten në mbrëmje shumë energjike. Edhe pse publiku nuk pati mundësi t’ia shihte portretin e saj, pasi ishte maskuar brenda rolit që kishte marrë në atmosferën e Halloween it, ajo ka postuar disa foto me miqtë dje (e premte) në rrjetet sociale, ku dukej e qeshur. Deri tani, Rovena nuk ka dhënë asnjë deklaratë për divorcin e kërkuar nga bashkëshorti, pasi thuhet se për të ky vendim ka ardhur paksa i papritur, raporton Panorama Plus.
Edhe pse konfliktet mes tyre kanë qenë të shpeshta së fundi, ajo nuk ka menduar se Riza do të rendte me një frymë të bënte kërkesë padinë ndaj bashkëshortes, për të qenë një hap para saj në këtë vendimmarrje të marrë në çift. Ishfutbollisti i Partizanit pasi lënies së karrierës, ishte shumë pranë Rovenës, dhe pothuaj kalonin 24 orë në 24 bashkë.
