Sali Berisha i dha fund pritjes së deputetëve duke zbuluar ekipin politik me te cilin synon të sjellë partinë demokratike në pushtët në kushtet e arrestit shtëpiak.
Flamur Noka dhe Edi Paloka do koordinojnë fushatën në te gjithë vendin në mungesë të liderit demokrat. Sali Berisha ka vendosur të bëjë lëvizje sa taktike po aq dhe politike ne qarqet e mëdha të vendit.
Luçiano Boçi u zhvendos në Shkodër, ndërsa Ervin Salianji, i cili fitoi zgjedhjet në Kavajë, është vlerësuar duke u vendosur në krye të qarkut të Elbasanit. Agron Gjekmarkaj u rikthye në Lezhë, aty ku PD fitoi në zgjedhjet e 2021.
Durrësi nuk pati surpriza u konfirmua Oerd Bylykbashi. Gazment Bardhi u largua nga qarku i Elbasanit për tu zhvendosur ne Fier ku spostoi Luan Baçin, i cili megjithëse pranoi vendimin e kryetarit braktisi mbledhjen e Kryesisë.
Qarku me më shumë mandate Tirana, iu besua Belind Këlliçit ish kandidatit humbës në betejën e kryeqytetit, ndërsa suprizoi emri i drejtuesit politik të Korçës Ivi Kaso, duke nxjerre jashtë loje Edmond Spahon i cili nuk e fshehu pakënaqësinë e tij për këtë vendim që më parë e mori nga mediat.
Drejtuesit e tjerë nuk prodhuan surpriza, Trian Shehu nuk u lëviz nga Gjirokastra dhe Flamur Hoxha u caktua në Kukës. Për Tomor Alizotin nuk pati asnjë vend të lirë, ndërsa Eno Bozdo mori drejtimin e Beratit.
Bujar Leskaj mbajti Vlorën dhe Xhelalit iu plotësua dëshira për Dibrën. Ata të cilët mbeten të pakënaqura ishin anëtaret gra të Kryesisë. Edit Harxhi u habit teksa nuk dëgjoi se në listë nuk kishte asnjë drejtuese zonjë duke u shprehur e turpëruar që PD është kthyer në parti burrash.
Por Sali Berisha u mundua të ngushëllojë zemërthyerit duke i siguruar se vendin e sigurt në lista për momentin nuk e kanë as drejtuesit e politik pasi më parë duhet të kalojnë filtrin e primareve.
Berisha: Ne jemi parti që për zgjedhjen e deputetëve e ka të fiksuar në statutin e saj me mekanizmin e primareve.
Sali Berisha lajmëroi se PD do zbresë në rrugë duke shpallur të hapur stinën e protestave deri në realizimin e kushtit kryesor, qeveri teknike.
Top Channel /a.r
