Policia izraelite pritet të marrë sot në pyetje kryeministrin Benjamin Netanyahu i dyshuar për marrjen e ”dhuratave të paligjshme” nga disa biznesmenë, njoftuan mediat izraelite.
Sipas këtyre të fundit, sipërmarrës izraelitë dhe të huaj i kanë ofruar Netanyahu-t dhurata me një vlerë rreth disa qindra mijëra dollarë, nëse këto fakte konfirmohen mbi të rëndon akuza për “abuzim me besimin dhe detyrën”.
Mediat aluduan gjithashtu për një çështje të dytë që mund të fokusohet në akuza më të rënda për korrupsion, por pa dhënë detajin më të vogël.
Të pyetur nga media, zëdhënësit e policisë dhe të zyrës së kryeministrit refuzuan të konfirmonin apo të përgënjeshtronin këto informacione.
