Shqipëria është vendi i fundit në Evropë sa i përket pranimit të homoseksualizmit. Kjo është bërë e ditur gjatë një studimi nga gazeta prestigjoze amerikane Ëashington Post.
Sipas këtij artikulli kushtuar pranimit të homoseksualizmit në botë, Shqipëria renditet në vendin e fundit në një grup vendesh së bashku me Maqedoninë dhe Lituaninë.
Sipas studimit të akademikut Erik Voeten, bazuar në sondazhe të kryera që prej vitit 1981, Shqipëria, Maqedonia dhe Lituania thuajse nuk i pranojnë prirjet seksuale mes së njëjtës gjini.
Në artikull është publikuar edhe grafiku sipas të cilit niveli shumë i ulët i pranimit të homoseksualizmit në botë, ka mbetur i pandryshuar ndër vite për Shqipërinë.
Megjithatë nivel mesatarisht të ulët ka dhe në Shtetet e Bashkuara, ndërsa ky nivel është edhe më i ulët në Amerikën Latine.
Ndërkohë sipas këtij studimi më tolerantë ndaj kësaj prirje seksuale është Evropa Veriore dhe ajo Perëndimore.
Redaksia Online
(JavaNews.al)
