Kryeministri i Shqipërisë, Rama ka zhvilluar gjatë kësaj të premteje një takim me studentët e Universitetit të Vlorës. Rama është shprehur se Reforma në Arsimin e Lartë është një domosdoshmëri për të ardhmen europiane të Shqipërisë. Ai ka deklaruar se pranimet në universitete kanë një rritje të cilësisë. Kreu i qeverisë, ka shtuar gjithashtu se reformat që ka ndërmarrë kjo mazhorancë ka hasur kririka dhe debate, për shkak se këto janë reforma të vërteta.
”Reforma në arsimin e lartë është një domosdoshmëri për të ardhmen europiane të Shqipërisë.Këtë vit nga 291 programe në universtet publike, kemi një rritje të cilësisë së pranimeve në 56% të tyre. Reforma ka pasur debatet e veta sepse është e vërtetë. Kemi dëgjuar fjalën reformë për vite të tëra, por debatet kanë qenë të mbyllura në kornizën e veprimtarisë parlamentare, dhe nuk janë zgjeruar më tej sepse nuk kanë qenë reale. Reformat prekin çdo pjesë. Reformat janë shtyrë për nesër gjithmonë, dhe nuk janë bërë asnjëherë”,-u shpreh Rama.
Rama me studentët u shpreh se reformat nuk mund të shtyhen për më tej edhe pse kanë kosto.
”Natyrisht që reformat janë të dhimbshme dhe kanë kosto. Por a ka një mundësi tjetër?A mund të shtyhen për më shumë ? Nga shtyrja e tyre jo vetëm që nuk kemi marrë asgjë pozitive por kemi cënuar rëndë gjeneratën tjëtër”,-u shpreh Rama.
ma.me
