Një ditë pas arrestimit të 6 biznesmenëve për shkak se kanë mashtruar me faturat e TVSH-së, zbardhen detaje të reja nga kjo skemë. Report TV mëson se 11 biznesmenë kanë regjistruar subjekte tregtare në mënyrë fiktive, pa asnjë lloj aktiviteti, me qëllim tërheqjen e blloqeve Tatimore të TVSH-së, duke lëshuar fatura TVSH-je shitje.
Administratorët e këtyre biznesneve Dhimitraq Çelo -Shkelqim Hasani -Bujar Murataj -Ruzhdi Murataj -Indrit Sulaj dhe -Nevruz Lami, duke plotësuar këto fatura fiktive, mendohet se i kanë shkaktuar shtetit 9 milionë dollar dëm. Por si funskjononte kjo skemë?
Biznesmenët plotësonin fatura TVSH-je, sikur kishin kryer blerje të ndryshme me njëri-tjetrin, por në realitet nuk kishin bërë asnjë shkëmbim tregtar. Më faturat fiktive, ata i dorëzonin te Drejtoria e Tatimeve ku merrnin rimbursimin prej 20% të TVSH-së për çdo blerje që kishin kryer.
Mendohet se Dhimitraq Çelo -Shkelqim Hasani -Bujar Murataj -Ruzhdi Murataj -Indrit Sulaj dhe -Nevruz Lami si dhe 5 biznesmenët e tjerë të shpallur në kërkim, në momentin që merrrnin rimbursimin e TVSH-së, i ndanin fitimet me njëri-tjetrin. Më shumë se 50 subjekte kishin krijuar këta 11 biznesmenë vitet e fundit.
Urdhërat e arrestit për 6 biznesmentët janë ekzekutuar në orën 18:30 të së mërkurës në një operacion të koduar “Situacioni”. Policia po punon edhe për arrestimin e 5 biznesmeneve të tjerë, të cilët janë shpallur në kërkim.
Të arrestuar deri tani;
-Dhimitraq Çelo, 23 vjeç, lindur në Gjirokaster dhe banues në Tiranë
-Shkelqim Hasani , 50 vjeç, lindur në Gramsh banues në Tiranë
-Bujar Murataj , 31 vjeç, lindur dhe banues në Tiranë
-Ruzhdi Murataj , 60 vjeç, lindur dhe banues në Tiranë
-Indrit Sulaj, 30 vjeç lindur dhe banues në Tiranë
-Nevruz Lami , 36 vjeç, lindur dhe banues në Tiranë
Në kërkim janë;
B.Gj
M.M
A.B
S.K
E. Sh
