Burime nga Policia e Tiranës thanë se vajza është gjetur nën shoqërinë e një studenti, 10 vjet më të madh se ajo, të cilin pretendonte se e kishte të dashur. Të dy janë shoqëruar në Polici, për të dhënë shpjegime për largimin dhe çfarë kishte ndodhur gjatë kohës që vajza nuk ka qenë në shtëpi.
Pa qenë në dijeni të sanksioneve që parashikon ligji, edhe për shkak të moshës së mitur, 12-vjeçarja Fjona D. ka rrëfyer në prezencën e psikologes se kishte kryer marrëdhënie seksuale me të dashurin e saj 22 vjeç.
Menjëherë pas kësaj dëshmie, një oficere e Policisë ka shoqëruar të miturën në Institutin e Mjekësisë Ligjore, ku është konfirmuar se vajza ishte e defloruar, pra kishte kryer marrëdhënie seksuale, raporton “panorama”.
Në këtë moment është marrë vendimi që i dashuri i saj, Alban Gjana, të arrestohet me akuzën “marrëdhënie seksuale ose homoseksuale me të mitur”. Në momentin që ka mësuar se i dashuri i saj do të arrestohej, 12-vjeçarja ka nisur të qajë e t’i lutet oficeres së Policisë që të anulojë arrestimin, pasi ajo nuk donte ta denonconte. Megjithatë ai është arrestuar.
ma.me
