Policia e Fierit ka vënë në pranga ditën e djeshme një 33-vjeçar, për trafikim të lëndëve narkotike. Siç bëhet me dije, i arrestuari është Mario Beqiri, 33 vjeç, banues në Lushnje, të cilit gjatë kontrollit fizik të ushtruar, i është gjetur 1 dozë me lëndë narkotike e dyshuar kokainë.
Gjithashtu në banesë, polici thotë se atij i janë gjetur edhe 24 gramë lëndë narkotike kokainë, një peshore elektronike e cila shërbente për ndarjen e lëndës në doza. Po ashtu, 33-vjeçari i është sekuestruar edhe një armë zjarri pistoletë e markës ECOL Special, një krehër, tre fishekë, një thikë, 110 Euro, 400 dollarë si edhe automjeti i markës “Audi A3” .
Materialet proceduriale i kaluan Prokurorisë pranë Gjykatës së Shkallës së Parë Lushnje, për veprat penale “Prodhimi dhe shitja e narkotikëve”, “Prodhimi dhe mbajtja pa leje i armëve dhe municionit luftarak” dhe “Prodhimi, mbajtja, blerja apo shitja pa leje i armëve të ftohta”.
ma.me
