Specialistët e Seksionit për Krimet në Komisariatin e Policisë Pogradec, bënë kapjen dhe ndalimin e nje shtetasi pasi akuzohet per vjedhje.
Mesohet se ne pranga ka rene Endri Xh, 16 vjeç, banues në Pogradec.
Ndalimi i tij u bë pasi, Prokuroria e Rrethit Gjyqësor Pogradec, me shkresë nr 3983, datë 11.09.2017, ka urdhëruar ndalimin e këtij shtetasi për veprën penale “Vjedhja” e kryer më shumë se një herë parashikuar nga neni 134 i Kodit Penal.
Nga verifikimet dhe hetimet e kryera, dyshohet se ky shtetas është autor i vjedhjeve të tre automjeteve në pronësi të shtetasve: J.S, 52 vjeç; I.E, 41 vjeç dhe M.Sh, 25 vjeç, ngjarje të ndodhura në muajin korrik të këtij viti, në lagjen nr 2 në Pogradec, ku në këto mjete janë vjedhur dy kasetofona si edhe disa aksesorë të ndryshëm.
Materialet iu referuan Prokurorisë të Rrethit Gjyqësor Pogradec për veprime të mëtejshme. /b.d
