Jetonte duke punuar tapicier dhe shpesh i kalonte ditët në bar. Gjithmonë mbante me vete një smartphone, nga i cili ai ndiqte në mënyrë të rregullt udhëzimet që i vinin nga Shteti Islamik, ndaj të cilin ai ishte betuar për besnikëri.
Një burrë 51 vjeç me kombësi marokene, me impati të thellë për ISIS, u arrestua në Algeciras në Spanjë. Ai ishte në kontakt me disa anëtarë të organizatës në Siri, komunikonte me ta duke u përpjekur të akreditohej si luftëtarë i vendosur i xhihadit.
Burri u prangos në shtëpinë e tij me akuzën e propagandës terroriste.
Në profilet e tij ai përdorte foton e Al Bagadi, ishte aktiv në rreth njëzet biseda terroriste, disa prej të cilave me bashkëpunëtorët e ISIS. Në shtëpinë e tij u gjet një manual i përgatitjes së sulmeve terroriste.
Spanja ka rritur nivelin e kërcënimit nga terrorizmi. Niveli i kërcënimit është rritur nga katër në pesë që klasifikohet si shumë i madh.
Shtetet e tjera europiane kanë paralajmëruar të gjithë shtetasit e tyre respektivë që do të vizitojnë vendin, që të jenë posaçërisht të kujdesshëm.
Ministria e Brendshme e Spanjës ka vënë në funskion përmbi 40 mijë forca të rendit në të gjitha pikat kryesore turistike.
Ata do të qëndrojnë në pikat më të popullarizuara duke përfshirë plazhet, hotelet, restaurantet dhe stacionet deri në fund të sezonit veror.
Ka pasur paralajmërime të shumta nga agjencionet e intelegjencës për sulme terroriste në Spanjë andaj edhe vendi është vënë nën gatishmëri. /l.m
