Prej më shumëse 10 vitesh në arrati, për një tjetër masakër, atë të Çoles në vitin 2015, nuk e penguan Bertil Alliajn, që të vriste edhe djalin e xhaxhait të tij para se të arrestohej nga policia.
Dalan Alliaj është viktima e radhës e të kërkuarit Bertil Alliaj, i cili e ka vrarë kushëririn e tij me egërsi duke i zbrazur 8 plumba nga 10 që kishte pistoleta me të cilin kreu vrasjen. Ngjarja e rëndë ka ndodhur në fshatin Gjorm të Vlorës, pranë banesës së xhaxhait të viktimës dhe njëkohësisht xhaxhait edhe të autorit.
Për Policinë e Vlorës kësaj radhe nuk ka qenë e vështirë të identifikojnë autorin, pasi në momentin e krimit kanë qenë të pranishëm shumë familjarë të viktimës dhe autorit.
Ky i fundit pas krimit ka tentuar të largohet në zonat malore të fshatit Gjorm. Por kërkimet e policisë me dronë termik kanë bërë të mundur lokalizimin e autorit dhe më pas arrestimin e tij. Burimet policore bëjnë me dije se në momentin e arrestimit, autori Bertil Alliaj nuk ka bërë rezistencë, ndërsa nuk ka pranuar as të tregojë arsyet e vrasjes së kushëririt të tij.
Edhe familjarë të viktimës dhe autorit nuk kanë dhënë ndonjë detaj mbi motivet e këtij krimi. Ndërsa arrestimi i të kërkuarit Bertil Alliaj që i fshihej derejtësië prej më shumë se një dekade, përveç vrasjes më të fundit pritet të zbardhë ndoshta edhe ngjarje të tjera apo bashkëpunëtorët e të kërkuarit ku ai është ndihmuar apo fshehur për gjithë këto vite.
