Një mjek në spitalin e Fierit dhe një infermier në njësinë vendore për kujdesin shëndetësor janë arrestuar pasi akuzohen se kanë marrë nga 2 mijë lekë ryshfet për t’i dhënë një shtetasi metadon, në kundërshtim me ligjin dhe rregullat për përdorimin e tij.
Në përfundim të këtyre veprimeve, u vunë në pranga, për veprat penale “Korrupsion pasiv i personave që ushtrojnë funksione publike” dhe “Shpërdorimi i detyrës”, shtetasit:
-L. B., 64 vjeç, banues në Fier, me detyrë mjek toksikolog, në spitalin rajonal të Fierit;
-E. M., 36 vjeç, banues në Fier, me profesion infermier në njësinë vendore për kujdesin shëndetësor.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./m.j
