Policia e Vlorës ka arrestuar një 63-vjeçar, i cili akuzohet se është pjesë e trafikantëve që tentuan të dërgonin në Itali 50 emigrantë nga vende të treta, që rrezikuan jetën në grykëderdhjen e lumit Vjosa.
Sipas autoriteteve mësohet se Fatos Dusha 63-vjeç “ka strehuar në ambientet e hotelit në pronësi të tij, emigrantët e evakuuar gjatë operacionit të djeshëm”.
Gjithashtu, gjatë kontrollit të ushtruar në ambientet e hotelit janë gjetur të strehuar dhe 9 klandestinë të tjerë.
Mësohet se Polica po vijojnë punën për identifikimin dhe gjetjen e personave të implikuar në këtë veprimtari kriminale.
Dy netë më parë 50 emigrantë rrezikuan jetën në grykëderdhjen e lumit Vjosa, pasi tentuan të niseshin me gomone në Itali.
/a.r
