Policia e Tropojës në kuadër të operacionit “Liqeni” ka arrestuar një 48-vjeçar të cilit i janë gjetur 4 thasë më lëndë narkotike.
Sipas policisë, operacioni është ndërmarrë mbi bazën e informacioneve të marra në rrugë operative. Operacioni është realizuar nga forcat e Drejtorisë se Policisë te Kukësit, komisariati Tropojë. Si rezultat i këtij operacioni u bë e mundur arrestimi në flagrancë i shtetasit Shiqer Maklekaj, vjeç 48, banues në Breg Lumi, Tropojë.
Gjatë kontrollit të ushtruar në banesën e tij dhe në stallën e bagëtive u gjetën 4 thasë dhe 2 qese plastike, me rreth 31 kg lëndë narkotike. Lënda narkotike ishte në formën e boçes dhe u sekuestrua në cilësinë e provës materiale. Materialet i kaluan Prokurorisë se Rrethit Gjyqësor Tropojë për veprën penale “Prodhimi dhe shitja e narkotikëve”, parashikuar nga neni 283/1 i K.Penal.
