Katër shqiptarë u arrestuan këtë mëngjes nga policia e Pistoia pas udhërarresteve të lëshuara nga Prokuroria. Akuza që ngrihet ndaj tyre është një seri grabitjesh, të cilat kanë nisur që nga shkurti I këtij viti, në provincat e Prato, Firence, Pisa dhe Pistoia.
Të arrestuarit janë vëllezërit Brigel dhe Ernest Sheu, të moshës 31 dhe 35 vjeç, që banojnë në Prato, Roland Zyba, 25 vjeç, banues në Monsummano dhe Eri Bibaj, 32 vjeç.
Eri Bibaj ishte i vetmi i cili u gjet dhe u arrestua në shtëpinë e tij, ndërsa tre persona të tjerë iu komunikua masa e re e sigurisë në burg, pasi ndodheshin të arrestuar për vepra të tjera.
Vjedhjet e kryera nga shqiptarët:
Në Quarrata një Opel Corsa, më 25 maj nje Audi Q5.
Më 20 qershor në Serravalle Pistoiese, ata hynë në shtëpinë e një pensionisti në mbrëmje, duke vjedhur para dhe bizhuteri.
Më datën 18 korrik ata hynë në një shtëpi në Monsummano, ku vodhën para dhe bizhuteri nga një tregëtar, si dhe një Audi A4.
Mbrëmjen e 20 korrikut hynë në shtëpinë e një sipërmarrësi të tekstileve nga Prato dhe morën para e bizhu argjendi.
Më 27 korrik ata “goditen” në Calenzano, vodhën shtëpinë e një pensionisti duke marre para dhe tre orë dore.
Më 28 korrik, ata shkuan në Orciano Pisano, ku grabitën një shqiptar, te cilit i moren para dhe bizhuteri. E fundit ishte 29 korrik në Santa Maria a Monte, ku vodhën një Audi Q3 nga një tregtar. /e.s/
