Një 28-vjeçar me inicialet A.D., banues në Bënçë të Tepelenës, ra në prangat e policisë pasi grabiti një makinë, e cila iu sekuestrua në cilësinë e provës materiale.
“Arrestimi i këtij shtetasi u bë pasi gjatë pasdites së djeshme, në fshatin Kolonjë, Lushnjë, ka vjedhur automjetin tip Fiat Punto në pronësi të shtetasit E. B., i cili e kishte parkuar mjetin pranë banesës”, thuhet në njoftimin e policisë.
Njoftimi i plotë
Vodhi automjetin e parkuar para banesës, kapet dhe arrestohet në flagrancë nga Policia, autori i dyshuar.
Specialistët për Hetimin e Krimeve në Komisariatin e Policisë Lushnjë, në bashkëpunim me Komisariatin e Policisë Tepelenë, kapën dhe arrestuan në flagrancë shtetasin:
A. D., 28 vjeç, banues në Bënçë, Tepelenë.
Arrestimi i këtij shtetasi u bë pasi gjatë pasdites së djeshme, në fshatin Kolonjë, Lushnjë, ka vjedhur automjetin tip “Fiat Punto” në pronësi të shtetasit E. B., i cili e kishte parkuar mjetin pranë banesës.
U sekuestrua në cilësinë e provës materiale automjeti të cilin autori kishte vjedhur.
Materialet i kaluan Prokurorisë pranë Gjykatës së Shkallës së Parë Lushnjë për veprën penale “Vjedhje”.
g.kosovari
