Sot kryeministri Edi Rama ka qenë i pranishëm në Samitin e NATO-s në Bruksel.
Rama ka postuar edhe fotografi nga ky samit. Kreu i qeverisë shqiptare shfaqet në foto krah për krah me kryeministrin britanik Boris Johnson, por edhe me kreun e qeverisë greke Kyriakos Mitsotakis.
Rama dhe Mitsotakis kanë diskutuar rreth marrëdhënieve dypalëshe, si dhe për ecurinë evropiane të vendeve të Ballkanit Perëndimor, për të cilat Mitsotakis ka ripërsëritur mbështetjen e fuqishme të Athinës.
Mitsotakis dhe Rama ranë dakord që të dy vendet janë të gatshme të shpejtojnë negociatat për përfundimin e një marrëveshje të përbashkët ne lidhje me përcaktimin e kufijve të zonave të tyre detare në Gjykatën Ndërkombëtare të Drejtësisë në Hagë.
Kujtojmë se ky është Samiti i parë i NATO-s ku Biden merr pjesë si President i SHBA dhe ai pritet të adresojë çështjet për Kinën dhe Rusinë.
(Balkanweb)
