Ambasadori i Shteteve të Bashkuara të Amerikës në Serbi, Christopher Hill, tha se i kupton frustrimet e serbëve nga Kosova, por theksoi se është koha për të hequr barrikadat.
Diplomati i larte amerikan në një intervistë për “Nova”, duke folur për Asociacionin e komunave me shumicë serbe, tha se ky është detyrim i Prishtinës dhe se çështja nuk është nëse do të formohet apo jo, por si do të funksionojë dhe në çfarë mënyre do të zbatohet.
“Ne i kuptojmë frustrimet e komunitetit serb në Kosovë. E kuptoj që këto frustrime nuk u shfaqën deri para disa ditësh dhe por ekzistojnë atje për disa kohë. Në fund të fundit, komuniteti serb ka qenë në Kosovë me shekuj dhe ata kanë të drejtë të dinë se çfarë ka të ardhmen e tyre.
Dhe pikërisht për këtë bëhet fjalë, kur flasim për këtë dialog politik – të sigurohemi që komuniteti serb të jetojë në shtëpitë e tyre në Kosovë dhe të ndihet mirë në shtëpitë e tyre”, tha Hill./m.j
