Pozon duke qeshur me fëmijët pranë trupit të të shoqit të vdekur nga mbidoza
Një grua nga Ohio, bashkëshorti i të cilës humbi jetë për shkak të një mbidoze heroinë, ka shpërndarë në Facebook një foto ku bashkë me të dy fëmijët e mitur pozon para arkivolit të hapur të shoqit për të dhënë një mesazh lidhur me atë që e quan një vdekje të parandalueshme.
Eva Holland rrëfeu se bashkëshorti i saj, Mike Settles, 26 vjeç ndërroi jetë më 2 shtator, menjëherë sapo ishte kthyer nga një klinikë rehabilitimi për shkak të varësisë së krijuar nga heroina. Gjatë funeralit të bashkëshortit, me të cilin ishte njohur që fëmijë, ajo vendosi të bënte një veprim që nga shumë persona është konsideruar kontrovers: pozoi në një foto duke qeshur, bashkë me dy fëmijët e saj, Lucas dhe Ava pranë trupit të pajetë të bashkëshortit të saj, foto të cilën e shpërndau më pas në rrjetet sociale Facebook dhe Instagram bashkë me një shpjegim të gjatë dhe të hollësishëm. “Jam e sigurt se kjo foto mund të bëjë shumë njerëz të ndihen keq, por arsyeja pse e bëra këtë është të tregoj realitetin e varësisë nga droga”, shkruan në nisje të letrës së saj të gjatë gruaja.
Redaksia Java News/f.g
