Nga Eduard Zaloshnja
Sipas KQZ-së, vetëm 0.79 milionë zgjedhës votuan për krybashkiakë socialistë. Sipas INSTAT-it, rreth 2.2 milionë banorë të rritur ka Shqipëria. Ndërsa sipas faqes publike në internet të CIA-s amarikane, banojnë këtu rreth 2.3 milionë të rritur (18 vjeç e sipër). Shifra e saktë e banorëve të rritur do të zbulohet nga Censusi i vjeshtës, por përafërsisht, mund të thuhet se pothuaj 2/3 e zgjedhësve të këtushëm nuk votuan për kryebashkikaë socialistë (një pjesë e këtyre 2/3-ve votuan për kryebashkiakë opozitarë, e një pjesë tjetër nuk votuan fare).
Kjo balancë numerike sugjeron se kryebashkiakët socialistë duhet të tregohen të përunjur në administrimin e mandatit që kanë marrë. Një arrogancë e tyre në vitet në vijim mund të shkaktojë një revoltë masive tek 2/3 e banorëve të rritur që nuk i votuan, e cila po u kanalizua në një listë unike opozitare, mund t’i dërgojë në shtëpi (përveç disa bashkive të vogla ku socialistët fituan mbi 70% të votave të vlefshme).
Balanca e mësipërme numerike duhet të jetë edhe një paralajmërim statistikor për Edi Ramën. Një arrogancë e tij në vitet në vijim mund të shkaktojë një revoltë masive tek 2/3 e banorëve të rritur që nuk votuan për kryebashkiakë socialitë, e cila po u kanalizua në një listë unike opozitare, mund ta dërgojë atë në shtëpi më 2025…
