Afro 44 mijë udhëtarë me rreth 14 mijë automjete gjithsej kanë shfrytëzuar tragetet e linjave Durrës – Bari dhe Durrës –Ankona e kthim gjatë muajit që sapo u mbyll.
Sipas të dhënave operative të APD, në portin e Durrësit kanë mbërritur me
tragete gjatë muajit prill 22.151 udhëtarë vendas dhe të huaj me 4.583
autovetura, ndërsa numri i atyre që janë nisur nga Durrësi drejt dy porteve të
Italisë arrin në 21.551 me 3.284 autovetura gjithsej.
Nga të njëjtat burime, mësohet se në muajin prill 2019, tragetet kanë
transportuar edhe 6.291 kamionë dhe trajlerë me mallra import-eksporti
gjithsej.
Numri më i madh i udhëtarëve me autovetura shënohet kryesisht gjatë ditëve
të fundjavës.
/a.rada
