Me afrimin e festave të fundvitit rritet fluksi i udhëtarëve dhe automjeteve që kalojnë përmes Portit të Durrësit për të hyrë në Shqipëri apo edhe për të dalë drejt Italisë. Drejtori i Autoritetit Portual Durrës, Artjan Qirici tha për Report Tv se janë marrë masat për përballimin e fluksit të lëvizjeve. “Afrimi i festave të fundvitit sjell rritjen e fluksit. Ne kemi marrë masa për të përballuar çdo situatë në bashkëpunim me kontrollin e kufirit“, tha ai.
Sipas kreut të Autoritetit Portual 25% e udhëtarëve që hyjnë dhe dalin në portin e Durrësit janë shtetas të huaj.”Porti i Durrësit po shndërrohet në Portin e preferuar për qytetarët që kanë për destinacion vendet e tjera të ballkanit”, shtoi ai.
Nisur nga fluksi i automjeteve, Porti i Durrësit ka marrë masa edhe për kontrollin e tyre i cili bëhet 100% me skaner, për të parandaluar çdo rast të veprimtarive të paligjshme. “Kontrolli në Portin e Durrësit bëhet 100% me skaner. Ne do krijojmë një korridor të mbyllur përmes skanerit në kontroll të plotë dhe monitorim për në terminalin për jashtë. Kjo do bëjë që të mos ketë asnjë influencë apo ndikim për veprimtari të paligjshme. Do bashkëpunojmë ngushtë me doganën dhe kufirin”, tha për Report Tv Artjan Qirici.
http://shqiptarja.com/home/1/festat-porti-i-durr-sit-masa-p-r-t–p-rballuar-fluksin-e-udh-tar-ve-459808.html?pos_3
ma.me
