Banorët e Bhutanit përditë kujdesen për fidanët e mbjellë në të gjithë vendin për nder të foshnjës të sapo-lindur të Mbretit Xhigma dhe Mbretëreshës Xhesun. Mijëra njerëz gjatë këtyre ditëve qoftë me këmbë apo me makina kujdesen për 108,000 pemë të mbjella në shpatet, ose në luginat e Himalajave, vendit budist.
Dhjetëra-mijëra vullnetarë, në mesin e tyre Kryeministri Çaring Tobgaj, kanë mbjellë pemë javën e kaluar në nderim të anëtarit të ri të familjes mbretërore, një djalë i lindur një muaj më parë.
Mbreti Xhigme Khesar Namgiel Wangcuck dhe Mbretëresha Xhesun janë shumë të popullarizuar në mesin e popullatës.
Pemët në Budizëm janë simbol hyjnor i jetëgjatësisë, shëndetit, bukurisë dhe dhembshurisë.
