Udhëheqësi i Koresë së Veriut, Kim Jong-un, priti Sekretarin amerikan të Shtetit, Mike Pompeo në Phenian. Kjo është konfirmuar nga vetë zyrtari i administratës së Donald Trump, në rrjetet sociale.
Pompeo shkruan se pati bisedë konstruktive me liderin koreanoverior dhe se kanë shënuar përparim rreth marrëveshjeve të arritura në Samitin e Singaporit mes Trump dhe Kim Jong-un.Pas përfundimit të vizitës, Pompeo nga Pheniani udhëtoi për në Seul.
Ndërkohë, fillimisht Pompeo u takua me zyrtarë japonezë në Tokio.Fokusi i bisedimeve gjatë turneut të tij është situata në rajon me theks në përgatitjen e procesit të dakorduar për çarmatosjen bërthamore të Gadishullit Korean, përgatiti Express. (b.an)
