Sekretari amerikan i shtetit, Mike Pompeo, ka thënë se është e mundur që presidenti amerikan, Donald Trump, është dërguar nga Zoti për ta mbrojtur Izraelin nga Irani. Gjatë një interviste në Izrael, ku po qëndron për një vizitë zyrtare, Pompeo tha se ai beson që Zoti e ka dërguar Trumpin për ta mbrojtur Izraelin nga Irani. Ai gjithashtu tha se i çmon përpjekjet e SHBA-së për t’u siguruar që kjo demokraci e Lindjes së Mesme të vazhdojë të ekzistojë.
Këto komente të tij erdhën pas një feste të hebrejve lidhur me shpëtimin e tyre nga gjenocidi. Kur u pyet për presidentin Trump, ai tha: “Si i krishter, unë besoj se është e mundur që ai është dërguar nga Zoti në kohën e duhur”.
Pompeo nuk është zyrtari i parë amerikan që përmend vullnetin hyjnor për veprimet e presidentit. Në janar të këtij viti, sekretarja për mediat, Sarah Sanders, i tha një rrjeti televiziv religjioz që Zoti ka dashur që Donald Trump të bëhet president.
Për më tepër, edhe zëvendëspresidenti amerikan, Mike Pence, dhe ish-prokurori i përgjithshëm, Jeff Sessions, e kanë përmendur Krishterimin apo vargjet e Biblës në deklarata zyrtare, shkruan “BBC”.
/a.meta
