Ministrja e Mbrojtjes, Mimi Kodheli, deklaroi sot se polumbarët e Forcave të Armatosura pas një jave kërkimi arritën të gjejnë trupin e pajetë të 54-vjeçarit, Fran Bardhi, i cili u mbyt në lumin Mat.
Në një postim në statusin e saj social Facebook mbrëmjen e së hënës, Kodheli shprehet se “U desh më shumë se zakonisht, por pas më shumë se 1 jave polumbarët e Forcave të Armatosura kanë arritur të gjejnë në ujërat e lumit #Fan trupin e pajetë të 54-vjeçarit Fran Bardhi, i cili u mbyt në lumin #Mat”.
“Trupi i 54-vjeçarit është gjetur pak orë më parë në një thellësi prej 4 m, i mbuluar nga balta dhe interte dhe për shkak të errësirës, polumbarët e Forcave të Armatosura do të rifillojnë ditën e nesërme operacionin për nxjerrjen e trupit”, shkruan Kodheli. /b.d
