Shtetet e Bashkuara po shqyrtojnë dërgimin e avionëve në Poloni nëse Varshava vendos të dërgojë avionë luftarakë në Ukrainë, tha sekretari amerikan i shtetit Antony Blinken gjatë një vizite në Moldavi të dielën.
Ai tha: “tani po shqyrtojmë në mënyrë aktive çështjen e avionëve që Polonia mund t’i ofrojë Ukrainës dhe po shikojmë se si mund të jemi në gjendje të zëvendësojmë vendet e lëna bosh nëse Polonia vendos të furnizojë Ukrainën avionë. Nuk mund të flas për një afat kohor, por thjesht mund të them se po e shikojmë atë shumë, shumë aktivisht”.
Vizita erdhi pasi Blinken vizitoi Poloninë anëtare të NATO-s të shtunën, ndërsa aleanca forcon krahun e saj lindor në përgjigje të pushtimit rus të Ukrainës.
NBC thekson se ka një tentativë të amerikanëve për të bindur polakët që t’i transferojnë Ukrainës avionët e tyre të prodhimit lindor, të cilët më pas do të zëvendësohen me avionë të prodhimit amerikan, F-16.
Media amerikane i referohet burimeve nga Shtëpia e Bardhe teksa raporton se marrëveshja është në përfundim dhe do të konkretizohet në ditët në vijim. Kjo do të rriste shumë fuqinë ushtarake në ajër të Ukrainës, e cila deri më tani ka rrëzuar një numër të konsiderueshëm avionësh rusë,
Ky zhvillim vjen në një kohë, kur vetë Presidenti i Polonisë e mohoi pak ditë më parë transferimin e avionëve të tyre në Ukrainë me argumentin se diçka e tillë do të çonte në një luftë me Rusinë. Madje, edhe vetë shefi i NATO-s Stoltenberg tha se asnjë avion apo ushtar i aleancës nuk do të futet në Ukrainë. Megjithatë, duket se kur është vullneti i SHBA-ve, ndryshon edhe qendrimi i NATO-s./m.j
Polonia është në NATO.Pra.lufta bëhet mes NATO s dhe Rusisë.