Vëllai i Sokol Olldashit, ish-ministri i Transporteve në kohën e PD-së, ka reaguar pas akuzave të deputetit Genc Pollo, për lejet antiligjore e abuzive për shtrimin e kabllove optike nëpër rruget e vendit.
Reagimi vjen në vazhdën e akuzave pas dëmtimit të rrugës Elbasan-Librazhd, për të cilin socialisti Taulant Balla akuzoi Pollon si përgjegjës, ndërkohë që ky i fundit “lau duart”, duke thënë se lejet janë lëshuar nga tjetërkush.
Ardian Olldashi reagon ashpër, duke e quajtur Pollon jo burrë, krijesë të pavetëdijshme dhe ofendues të racës njerëzore.
Ja statusi i tij
Ai Pollua qe ne vetvete nuk eshte gje tjeter sesa krijese e pavetedijeshme dhe ofendues i rraces njerezore, dhe kete rradhe me zhgenjeu. Jo nga pikepamja burrerore, sepse aty nuk mund te pretendojme, por nga varferia intelektive e ketij frymori.
Ti beje vetes nje dhurate qe Perendia nuk ja beri. Te tregohet nje here te vetme dinjitoz. E nga ta dije i gjori qe im vella edhe aty ku eshte, eshte me i zgjuar se Pollua ne kuadrat.
Po sikur ti kete incizuar nja dy kenge ketij ze bilbilit, pikerisht se nje dite krimbi mund te fajesoje shiun per aspektin e tij te baltosur.
Padia e Balles
Konflikti u ndez pas shembjes se rrugës nacionale në aksin Elbasan-Librazhd në Xibrakë.
Deputeti i Partisë Socialiste, Taulant Balla akuzoi firmën e cila disa vite më parë shtroi fibrat optike në anë të kësaj rruge.
Ai theksoi se përgjegjësi per kete mban Genc Pollo, për të cilin deklaroi se do të behet edhe padia përkatëse.
Reagimi i Pollos
Pas akuzave të Ballës, Genc Pollo reaguai me një status në profilin e tij ne FB, ku shkruante: “Gojëpalari i Edi Ramës, T. Balla më fajëson mua për një leje kabllosh optikë që paska prishur rrugët. E vërteta është se këtë leje, antiligjore e abuzive e ka dhënë dikush tjetër pa lidhje fare me mua dhe unë sa isha ministër i telekomunikacionit u përpoqa të anulloj të paktën ekskluzivitetin e saj. Për Ballën nuk ja vlen të shkruash akoma”.
Pollo nuk permend emra, por periudha për të cilin ai flet është në kohën kur në krye të Transporteve ishte Sokol Olldashi.
