Mbledhja e thirrur dje nga Berisha me pedagogët është kthyer në një teatër fyerjesh dhe ofendimesh mes njëri-tjetrit. I tillë është debati mes Ilirjana Kuçanës, anëtare e Këshillit Kombëtar të thirrur nga Foltorja dhe Mirdaim Axhamit militant i PD dhe përgjegjës departamenti në Fakultetin Ekonomik.
Nga debati del qartë se si pedagogët pjesë e strukturave të PD po tentojnë që të ngrenë pedagogët dhe studentët. Kuçana u shpreh se është kërkesë egoiste që të dalësh dhe të kërkosh rritje page të pedagogëve dhe të marrësh studentë me vete duke sjellë shembullin e Fakultetit Ekonomik.
Ilirjana Kuçana: Për mua është kërkesë egoiste të dalësh të thuash kërkoj rritjen e pagës së pedagogëve dhe të marrësh studentët me vete. Kjo nuk ndodh. Jam një pedagoge shumë afër me studentët dhe duhet të ngremë kauza dhe të ngremë frymën…. Duhet të kemi një plan konkret.
Unë nuk mund ta pranoj se ka dekanë apo rektorë që në botën akademike sot në 2020 të pretendosh se mund të kërcënojnë. Këtu kam shefin e departamentit që ka qenë dje në protest, pra s’ka ndodhur. Ke zv. dekanin Ilir Alimehmetin. Mendoj se pjesa e kërcënimit është pjesë e justifikimit…
Mirdaim Axhami: Meqënëse znj. Kuçana mu drejtua mua, unë e njoh prej kohësh Ilirjanën. Ilirjana është pedagoge e jashtme te fakulteti jonë. Për këtë vit akademik akoma s’janë miratuar pedagogët e jashtëm. Ilirjana deri më tani nuk është përfshirë në asnjë mbledhje, as departamenti, as dekanati, as senati dhe i sugjeroj të mos marrë përsipër që të shpjegojë se çfarë ndodh në Fakultetin Ekonomik ku unë jam dhe përgjegjës departamenti dhe anëtar senati. Se kush gënje dhe kush është I sinqertë e tregon…
(Kuçana debaton pa mikrofon)
Ilirjana Kuçana: Unë nuk dua të kaloj përsa i përket situatës në fakultetin ekonomik apo në univeristetine tiranës. Unë nuk jam as për denigrim se ka plot nga ata që e meritojnë, megjithëse unë nuk po pretendoj se ata të pranojnë. Ne e dimë që drejtuesit tanë se sa të fortë apo të zotë janë që ata ti nxisin vetë stafet akademike që të dalin në protestë, s’po e pretendojmë një gjë të tillë. Situata nuk është e qartë me protestat dhe me sindikatat, rezultati gjithmonë ka qenë në pikëpyetje, ka dyshimet e veta. Nuk është se ne po pretendojmë se kjo protestë do të na sjellë ne në pushtët. Ne duhet të shkojmë në një nivel më macro për këtë, ne po e mbështesim në maksimum./shqiptarja.com/m.j
