Gëzohuni aq sa zgjat: Ky ishte mesazhi i ditës së hapjes për liderët e korporatave dhe fushës së politikës që morën pjesë në takimin vjetor të Forumit Ekonomik Botëror.
Tregjet e aksioneve ishin në rritje dhe rritja më e mirë ekonomike botërore në shtatë vjet po ushqen nivele rekord të optimizmit midis drejtuesve ekzekutivë, sipas një sondazhi të publikuar nga PricewaterhouseCoopers LLP të hënën vonë në Davos të Zvicrës.
Por vetëm pak orë më parë, Fondi Monetar Ndërkombëtar e përdori mbledhjen për të argumentuar se ndërsa perspektiva për këtë vit dhe e ardhmja ishte më e mirë se sa parashikohej më parë, një recesion mund të jetë më afër seç pritej dhe se investitorët dhe politikëbërësit duhet të ruajnë veten kundër vetëkënaqësisë.
Kombinimi i optimizmit dhe kujdesit do të vendosë tonin për një javë takimesh një dekadë pas krizës më të keqe financiare, shkruan “monitor”. Ndër rreziqet e tanishme që Davos theksoi: bollëku irracional në tregjet financiare, rritja e borxhit në Kinë dhe vende të tjera, si dhe temat politike që duan kujdes në zgjidhje, nga Brexit në Korenë e Veriut./a.m.
