Pas incidentit të pak ditëve më parë me një kameraman, kryetarja e Komisionit Parlamentar të Politikës së Jashtme, Dade në seancën e radhës të ditës së sotme kishte marrë një vendim ekstrem; ngritjen e një gardhi që vendos një distancë nga deputetët te media duke i penguar që të afrohen më shumë sesa distanca e vendosur nga drejtuesja e Komisionit.
Gardhimi i komisionit është pritur me ironi nga përfaqësuesit e medias, të cilët pas atij rrethimi, ngjajnë më tepër si të burgosur, teksa si per ironi vjen nga Komisioni per Politiken e Jashtme.
“Gardhi që ju vendos gazetarëve në Komisionin e Jashtëm në fakt ka kohë që është ngritur ndaj medias dhe fjalës së lirë”shprehet Luciano Boci i PD.
