Kolumbia ofron një pamje prekëse, larg kronikave të zakonshme të drogës e krimit. Një police gjen në pyll një foshnjë të braktisur dhe e shpëton duke e ushqyer me gji.
Vogëlushja qante nga uria dhe policja Luisa Fernanda Urrea e ushqeu menjëherë.
“Jam bërë nënë prej pak kohësh dhe kam qumësht gjiri. Sapo e dëgjova të qarën e saj, e kuptova se ishte e qarë urie dhe nuk mendova gjatë po i dhashë menjëherë për të pirë”, tregon Luisa. Vajza e vogël ishte lindur pak ditë më parë dhe ishte braktisur në pyll.
Pasi u ushqye me gji ajo u dërgua menjëherë në spital, ku dhe iu bënë të gjitha analizat e duhura. Vogëlushja është mirë me shëndet dhe po i përgatiten dokumentat e adoptimit.
